陳百祥巴西奧運傳聖火：這是一生的榮譽
撰文：郭敏玲
出版：更新：
叻哥今次擔任火炬手，表示是他一生的榮幸。（符祥定攝）
陳百祥（叻哥）到油塘出席「2016里約奧運會之全城迎奧運」活動，叻哥更首次獲委任為火炬手，代表TVB到巴西傳聖火，他最感謝TVB，「這是一生的榮譽，多謝TVB將我個名交上奧運委員會，最緊要奧運方面都批，雖然我現在拍《賭城群英會》，但都要停一停，7號就飛到去巴西，同當地的人會合一下。」問到叻哥要手拿火炬跑，事前會否操fit下？他對自己相當有信心，「我一日操足5日足球，不用特意去操，加上今次都是象徵式跑一小段路，所以不太難的。」
淡定有錢剩，叻哥對巴西寨卡疫情表示未驚過。（符祥定攝）
巴西的寨卡疫情未定，叻哥不單沒有擔心，反而相當淡定，「全世界都會有蚊子的疫情，好像日本被蚊叮都有腦膜炎，而巴西當地為奧運而興建的設施，相信會做足滅蚊措施。（會否擔心有蚊叮？）我血型唔知係咪畸型，無蚊會叮我，我又成日徒手捉蚊，所以唔太擔心。」叻哥話去到當地都會注意清潔，至於叻哥唔怕被蚊針，但秀姑呢？叻哥講笑話：「係呀，所以到時鎖佢喺酒店啦。」