【鐵探】黃智賢與影后惠英紅劇鬥:佢身上學唔少嘢 興奮到訓唔著

撰文:吳子生
出版:更新:

無綫新劇《鐵探》一眾演員及幕後工作人員,出席在將軍澳舉行的煞科宴。劇中黃智賢飾演一名傷殘的總警司,與影后惠英紅有連番劇鬥:「之前同紅姐都有拍戲合作過,大家都會有默契,事前準備都會做足,因為戲裡面我地要爭上位,會爭鋒相對,經常要鬧交,紅姐啲眼神好凌厲,同佢做戲唔可以一味靠惡大聲就得,喺佢身上真喺學唔少嘢,試過拍完之後,返到屋企喺會興奮到訓唔著,因為好多時會一Take過完成,非常流暢好有滿足感。」

Ben表示同影后紅姐拍戲過足戲癮。(梁碧玲攝)

Ben早前投資過百萬,與兩名專業醫生朋友,在中環開設過千呎醫學美容中心,從演員搖身一變成為美容院老闆:「其實我地做演員都好被動,有嘢做就有收入,冇嘢做嘅時候可能幾個月都冇,所以自己主動啲搵啲門路做下生意,拍戲我真喺好鐘意,你叫我唔好拍我真喺唔得,但有時拍戲都會覺得好攰,依加我如果有空閒嘅時候,會返美容院公司處理業務,身分上轉為老闆角色變得幾有趣。」

Ben分享早前抽空做義工,為《大樹下善待動物庇護站》的狗隻洗白白。(梁碧玲攝)