【再創世紀】大陸收視差卻獲香港網民讚 咩原因令到兩地有差異?

撰文:
最後更新日期:

雖然由郭晉安、林文龍、楊怡等主演的商戰劇《再創世紀》在大陸收視一般,但香港觀眾的反應就截然不同,除了大讚劇集節奏明快,畫面質感好同有追看性之外,更有網民留言:「估唔到好睇過《創世紀》,內地觀眾唔識貨」。究竟係咪真係大陸觀眾唔識貨呢?

商戰劇《再創世紀》逾1億元製作費。〈《再創世紀》劇照〉

其實《再創世紀》故事一開始就以2008年美國次貸危機、雷曼銀行破產為背景,講述股市動蕩很快就要蔓延到香港,為避免香港金融體系崩盤,幾大巨頭面臨嚴峻的挑戰。內容會講到脫歐,收購,對冲,科研創新,董事局,投票權等金融話題,比起《廷禧攻略》這類人人都接受到的灰姑娘故事,這類比較有深度的劇集唔止大陸觀眾未必有興趣睇,香港的「師奶」亦未必鍾意睇。但無綫落足本實景拍富豪生活,碓實值得一讚。

安仔亦透露拍攝前做足功課,花時間看了不少關於金融的書。〈《再創世紀》劇照〉

+2

另外,劇中大部分演員仍未完全打入大陸市場,即叫座力不高。雖然郭晉安與楊怡貴為視帝視后,但二人多年來都以拍無綫劇為主,參與大陸劇集的演出少之有少。相反,佘詩曼多年來獲封為「TVB一姐」及擁有「港劇女王」的稱號,先後拍攝7部中國大陸劇集並參與多個大陸真人秀,更有不少網民直認因為阿佘,才收看《延禧攻略》,可見其相當有叫座力。

阿佘在中、港、台都相當有叫座力。〈《延禧攻略》劇照〉

最後,口味不同。按劇集播放量的首三名,分別是《如懿傳》、《香蜜沉沉燼如霜》和《延禧攻略》,明顯以古裝題材劇集的確在大陸市場比較吃香,不少大陸的一線演員亦是拍古裝劇出身而走紅。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。