【張國榮62歲冥壽】拍劇曾任哥哥替身 歐瑞偉李日朗拍片致敬

撰文:
最後更新日期:

歌手鄭敬基(Joe)、李日朗(Don,原名:李逸朗)及藝人歐瑞偉等合作拍攝《912 We Miss You Much》音樂錄像,在張國榮(哥哥)62歲冥壽之時送上心意,紀念這位一代巨星。為喚起大家和哥哥的記憶,Joe決定以「912 We Miss You Much」為主題拍攝音樂錄像,他說:「我哋三個男人會走埋一齊做呢件比較趕急嘅事,大家紀念哥哥嘅時候,多數都係4月1日,而我每次臨近哥哥嘅紀念日都好大感觸,亦覺得佢係想喺大家心目中有個開心嘅形象,等大家想起佢係圈中典範,佢嘅魅力、優美、音樂統電影,所以我哋想做呢件事喚起大家對哥哥嘅回憶。」

Joe透露與歐瑞偉因拍攝大台劇集《牛下女高音》而結緣,當他提到想拍攝紀念哥哥短片時,對方主動請纓參與拍攝,還道出當年拍劇時曾任哥哥替身,對方待他關懷備至的往事。另外,Joe與Don曾於05年合辦《我們的哥歌一夜》紀念哥哥的音樂會中,一起創作以哥哥所唱過的金曲名字為題材的作品《風繼續追》,向偶像致敬,故今次製作錄像亦一拍即合,並同時引用這首紀念作融入錄像之中。

提到拍攝期間的逸事?Joe說:「今次取景自具香港特色嘅地方,花咗1日時間拍攝。當日朝早仲落雨,但仍風雨不改進行錄影,歐瑞偉好受馬來西亞fans歡迎,喺銅鑼灣取景時有好多大馬朋友要求合照,我就充當保安維持秩序。另外,仲有我哋喺電車取景時,乘客知道我哋要拍攝,全都都好合作。」

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。