陳瀅重視感覺多過條件 羅天宇唔係考慮對象
撰文：趙允琳
出版：更新：
陳瀅（Jeannie）出席餐廳開幕活動，提到自己平時在飲食方面特別注重美容和養生。Jeannie有沒有什麼飲食秘訣能跟大家分享？「飲湯水係好重要嘅，最好就有膠原蛋白嘅湯啦，又或者燉湯啦，食多啲青菜咁。」她就笑指自己太懶惰，很少自己煲湯水。
陳瀅（Jeannie）出席餐廳開幕活動。（陳順禎攝）
好姊妹陳嘉寶（Anjaylia）於社交網站宣佈陀B喜訊，Jeannie表示事前並不知情！「我今朝都係喺IG度啱啱訓醒，個人都未醒，一睇到成個人彈起咗嗌咗出嚟！真係好戥佢開心！」她表示親眼見證到大家如此幸福，能找到個好老公及建立自己的家庭，是一件非常美好的事。
好姊妹陳嘉寶（Anjaylia）在社交網站宣佈陀B喜訊，Jeannie表示自己興奮到成個人彈起咗！（陳順禎攝）
見到身邊姊妹都幸福美滿，Jeannie才驚覺自己終於「大個女」，是時候要正視自己感情事。她坦言自己常常顧著工作而忽略了感情，希望日後能好好把工作和感情的時間好好平均分配。（現在有沒有追求者？）「暫時未有一個我覺得係好想繼續發展落去。」對於早前被報道與羅天宇看電影，她表示對方只是好朋友，所以跟好朋友出街也不足為奇。（唔會將佢列作考慮對象？）「唔會啦！太friend啦已經！」
Jeannie並表示羅天宇只是好朋友，不會被列作考慮對象。（陳順禎攝）
被問到心目中的理想對象是怎樣的，Jeannie笑言其實自己也在摸索中：「我過往嘅男朋友呢，無一個係有共通點嘅。個個都無論身形、樣貌、學歷，全部都好唔一樣，無一樣係似嘅。所以我覺得自己鍾意嘅就係嗰個感覺，你有嗰個感覺嘅話，其實點樣都ok。」臨近中秋，有沒有人相約一起賞月？Jeannie逗笑回道：「嗰日會同ICAC嘅同事一齊賞月，咁就唔知有邊位男同事喺度同我一齊賞月啦。」