《全民造星》最後倒數 狄以達甘願做好友Lokman伴舞

撰文:
最後更新日期:

狄以達(達仔)昨天(12日)出席某餐廳開幕禮,主演的舞台劇於下月公演,而門票亦已於日前公開發售,達仔直言對銷情有信心:「開售之前內部認購已經去咗一啲㗎啦,有一日嘅場次嘅內部認購係賣晒嘅,但係我都驚嘅。但最好梗係賣晒啦!」他表示希望能把舞台劇的規模「越做越大」,他朝一日登上能容納更多觀眾的場地。

狄以達(達仔)主演的舞台劇門票日前公開發售,銷情理想,更希望能把舞台劇的規模「越做越大」。(陳順禎攝)

達仔在舞台劇劇照上特意展示出留鬚的造型,為何現在又剃鬚了?達仔坦言自己一向都喜歡留鬚,只是因為工作關係才剃鬚。被問到公演時會否再次留鬚,達仔表示也在苦惱中:「我諗緊留唔留得切,或者留個二撇雞都好吖!」

有份參演舞台劇的楊樂文(Lokman)於Viu TV《全民造星》中進入倒數階段,達仔坦言感到很緊張,更表示願意為兄弟做伴舞。(陳順禎攝)

被問到身邊朋友有沒有要求留飛,達仔坦言:「劉德華就話買唔到飛啫,JJ(林俊傑)就話買唔到飛啫,我哋呢啲上網買都買到嘅。(有沒有邀請Hera?)我哋佛系心態,緣分到自然可以到,都無話好刻意去做啲乜嘢。」

達仔表示會盡力幫Lokman拉票,希望他能取得好成績。(陳順禎攝)

有份參演舞台劇的楊樂文(Lokman)於Viu TV《全民造星》殺入倒數階段,與Lokman老友鬼鬼的達仔都很為好友感到緊張,更說願意為兄弟做伴舞:「佢都會問我『我呢個表演咁樣做好唔好啊』,我都好希望自己能夠幫到佢,希望可以用我過往表現嘅經驗幫到佢。如果同台嘅話我衝上去幫佢跳埋啦!(如果個mission係同星級導師一齊跳嘅話呢?)都唔使星級導師,我伴佢舞啦梗係!」達仔表示會盡力幫Lokman拉票,希望他能得到好成績。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。