王力宏受邀出席Apple發佈會　連出3個Po狂曬新款iPhone

撰文：洪曉璇
出版：更新：
王力宏受邀飛到去美國蘋果總部，出席新iPhone發佈會。（王力宏微博）

有咩事可以令王力宏放低剛出世嘅囝囝同坐緊月嘅太太？除咗工作，仲有Apple新iPhone發佈會呀﹗之前王力宏停工陪太太李靚蕾生B，上個月24號見証囝囝王嘉耀出世，呢日就「拋妻棄子」飛去美國，應好友兼蘋果公司CEO Tim Cook邀請，見証新一代iPhone發佈會。Leehom仲興奮到連出三個post同fans分享。

之前一個月魏2個post，去一次發佈會王力宏就出咗三個posts啦。（王力宏IG）
上年林俊傑受邀出席發佈會，風頭一時無兩。（網上圖片）

蘋果公司每年發布會都係全城觸目盛事，今次就喺9月13日凌晨，於美國加州總部Apple Park入面的Steve Jobs Theater舉行。王力宏一去到現場，已經急不及待於門口影相打卡留言話：「Wanna check out the new Apple product launch? Happening right now!」十足十遊客到此一遊。相隔幾個鐘王力宏再次Update，試玩新機拍埋片同大家分享，見到佢不停話：「還沒上市哦，還沒上市哦。」

除咗王力宏，徐克都有份出席呢次發佈會。（王力宏IG）
+1

王力宏分享合照時，大家先知原來徐克導演都受邀參與盛事，同Tim Cook三位企埋一齊言談甚歡。其實以往發佈會，都有邀請亞洲區藝人出席，好似林俊傑、吳君如、陳可辛，不過提起APPLE新機大家最先諗起嘅，應該會係林志穎。iPhone 5、iPhone 5C、iPhone 6、iPhone 7去到上年嘅iPhone8，林志穎都早在發佈會前就喺社交網站曬出新機。

當年推出iPhone 5之前，林志穎幾近係全球最早曬出新機嘅人。（林志穎微博）
iPhone 5c（林志穎微博）

雖然林志穎從未親身出席Apple發佈會，但早已儼如Apple代言人。不過去到上年發佈會前一個月出席活季，不停被追問拎到iPhone8新機未，林志穎就話：「我不是代言人，未來也不會再說甚麼。」的確，自此佢無再搶先曬機，全城期待嘅iPhone X，林志穎亦去到開售當日，先應網媒邀請拍攝開箱文。今次iPhone XS，林志穎迎一個月嘅社交網站POST都無電，睇嚟果粉們以後想早D知新機消息，又要另覓渠道啦

　iPhone 6s（微博圖片）
iPhone 7 Plus （林志穎微博）