買樓靠自己唔靠屋企人 王曼喜：我想有一日買層樓送俾佢哋
撰文：賴家杰
出版：更新：
王曼喜（Kayla）周四（13日）出席珠寶品牌活動擔任模特兒，Kay笑言能夠穿戴這麼多珠寶是女生的話也十分高興。問到那麼多珠寶其實自己也有收藏好多？Kayla直言：「其實對我有意思嘅珠寶通常都係媽媽送俾我或者有一隻係我太婆留俾我，呢啲就係比較貴重，通常我自己買嘅話暫時都係冇咁貴。」
王曼喜（Kayla）今日（13日）出席珠寶品牌活動擔任模特兒。（梁碧玲攝）
現今世代很多人也會拿珠寶當作投資，Kayla表示也有意會拿珠寶做投資，而問到Kayla會想做其他的投資？Kayla笑言希望有天能夠買房子：「暫時未同家人傾過呢個問題，但我想有一日買層樓送俾佢哋。」Kayla這麼孝順已經計劃買房子送給家人，其實Kayla坦言一直也有送小禮物給家人，「其實我都會買珠寶送俾媽媽，加上我經常都會請佢哋食飯。」
Kayla直言希望有一日買樓送俾父母。（梁碧玲攝）
Kayla這兩年原來一直忙於自己的衣服品牌生意，「其實都仲係屬於投資階段，希望今年能夠回本，但投資咗幾位數其實自己都唔係好識計。」但Kayla有一位常常演戲的爸爸，為什麼不跟爸爸一起合作演戲？Kayla指十多歲時候已經有跟爸爸演戲，「其實我覺得唔係我鍾意做嘅事，所以之後就冇繼續走演戲呢條路。」