主播郭浩皇進軍大陸拍網大 計劃用片酬製作主題曲

撰文:
最後更新日期:

無綫主播郭浩皇〈Alex〉日前就返到深圳拍攝一部將會在CCTV6電影頻道播出的網路大電影《超模》。首次擔正做男主角的Alex就透露戲中會講述一班模特兒在圈中如何爭名逐利,而他就飾演其中一位模特兒的形象設計師,當中亦會上演一段英雄救美的故事,相當浪漫。

第一次拍網大,Alec話同工作人員相處得好融合。

在加拿大讀戲劇出身Alex就稱很感激有這個機會,他表示:「好開心可以將以前學到過演戲的知識終於用得着,但其實最大的挑戰都係語言上,雖然現場不是收很多音,但最後也會用我們真實的聲音去配音。所以講對白的時候都要比較準,因為畢竟普通話不是母語,所以都花了不少心機,畢竟語言唔多唔少都會對演戲有影響,但也盡了自己的最大能力。」

但班超模顏值似乎唔算太高。

問到片酬,Alex就笑言:「因為我和導演認識了好幾年,而且我只是剛剛返大陸拍戲,所以只係收友情價。但我會將今次片酬放在這次的主題曲上,係我上年作好咗,放在這部戲很適合。嚟緊會正式去製作這首歌,所以我就用這次的片酬去做這件事,所以最終無賺到錢。但我要特別多謝監製張志明,雖然娛樂新聞台人手好短缺,但當我向他提到這件事時,他都很替我開心,講話如果你真係有咁嘅機會,就你的期。」好事一浪接一浪,Alex又透露10月中自己又會參與另一部電影,而且他亦打算花更多時間在歌唱方面。

Alex嘅演技唔知係點嘅呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。