【晚吹】奶奶迷信叫孫仔做「狗」 媳婦大控訴:仲叫佢食狗屎!

撰文:
最後更新日期:

ViuTV 節目《晚吹──又要威又要戴頭盔》,最新一集繼續有與奶奶同住的新抱作出大控訴,包括奶奶不尊重女家家人、有金錢上轇轕、湊仔分歧及生育問題等,不知道作為新抱的妳,有無共鳴呢?

婆媳如何和平相處,是一門極高深的學問。(影片截圖)

外婆過身,新抱想避席奶奶親戚婚禮,卻被奶奶說嫁咗入門,跟外婆就不是一家人了。(影片截圖)

入男家門後 與女家家人再無關係?

上一輩好多人認為,新抱嫁入門,跟夫姓,就「生是自家人,死是自家鬼」,雖然現代人普遍開明,但仍有部份人深信此道。其中一位新抱對奶奶作出控訴,她因為外婆過身,所以想避席奶奶親戚的婚宴,誰知奶奶竟說:「唔緊要,你既然嫁咗入門,就係我們哋屋企人,你媽嫁咗畀你老竇,就係你老竇屋企嘅人,所以你外婆過身,你出席婚宴係無問題嘅。」言下之意,即指外婆跟新抱已經沒有家人關係,難怪那名新抱如此生氣。

+6
+5
+4

奶奶提醒新抱畀家用,比自己母親還要積極。(影片截圖)

奶奶霸權 管埋新抱啲錢?

其中一個新抱說每個月的出糧日,奶奶就會發訊息給她,提醒她給家用,「你出糧喇,係時候交家用,你唔好唔記得,我提下你。」新抱更說,金額由奶奶定,如果給少過她所定的金額,「成個月無好臉色畀你睇」。

另一個新抱都好慘,奶奶很喜歡比較新抱與其他女性的薪金,包括自己的女兒,甚至隔離屋的新抱,藉此罵新抱:「你廢柴嚟㗎,搵咁少錢!」其實新抱搵幾多,關奶奶咩事呢?

新抱控訴奶奶迷信,呼喚孫仔做「狗」。(影片截圖)

婆媳湊仔分歧大 奶奶稱孫仔做「狗」

婆媳在帶養小孩上的分歧亦是永遠說不完的話題,其中一位新抱說:「奶奶好鐘意叫我個仔做『狗』。」她解釋說因為奶奶擔心兒子養不大,所以叫孩子做「狗」,古人認為生活過得太好會遭鬼神妒忌,所以取賤名,希望避過鬼神的注意,但身處21世紀,其實很多人已經拋開了這個舊觀念。這個新抱說奶奶還會跟她的兒子說:「阿狗,我哋出街掃屎食。」真係聽到都嘔出幾兩血,那位新抱說奶奶屢勸不聽,令她非常氣結。

無仔生?一定係女人問題。#曲 (影片截圖)

冇仔生一定係新抱嘅錯!

其中一個新抱流產兩次,看中醫調理,拉埋老公一齊睇,但奶奶反應極大,認為新抱未能成功生產,跟自己個仔毫無關係,因為上一輩普遍認為「生唔到仔一定係女人問題,男人一定冇問題」。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。