【早霸王】木訥男聽眾收order求婚 森美:你往後日子好難捱

撰文:
最後更新日期:

又有女友點名「你知道唔知道有人掛住你」,要男友打去求婚。

《早霸王》當中的「你知道唔知道有人掛住你」似乎已經成為表白/求婚工具之一,今期男主角自稱為「地球人」,電話接通後,佢就話:「我同外星人在教會認識,佢一定要我打上嚟求婚」森美聽到之後都十分好奇,呢位男主角係未多數都係接order一方,並笑言「你往後日子好難捱」,之但係,呢個世界就係咁架啦,一個願打一個願捱,地球人話:「如果佢開心我又唔介意」他之後解釋「地球人」一名的意思,係因為自己太木訥,而女友則古靈精怪。

男聽眾雖然話唔係乜都聽女友講,但都補返句「如果佢開心我又唔介意」。

雖然地球人話自己好木訥,但原來之前女友生日時,佢特意上網學整女友最想食嘅芋圓:「我周圍問人,仲比人話我做壞晒規距,我試整時都ok幾好食,點知到佢生日時,凍咗硬晒,以為實比佢鬧,點知佢又食晒,而且好開心好感動。」問到地球人對女友做過最瘋癲的舉動,佢就話應該都係今次打上電台,同埋表白:「那時以為佢好大機會拒絕,點知又承認一齊。」由於地球人不時提到自己真係好木訥,但又話自己都唔差,令森美都認唔住問佢同邊位藝人近似, 估唔到呢位男聽眾竟然自比「彭于晏」,更指女友偏向「糖妹」feel。

由彭于晏變成鴨寮街阿叔,森美小儀笑到收唔到聲。

電話接通後,女友Emily一聽到森美小儀把聲已經「oh my god」擺明知道將會發生的事,但最好笑當Emily聽到森美以「彭于晏」形容男友時,佢即時爆笑表示「佢係阿叔黎㗎喎,鴨寮街嗰啲,一定唔係彭于晏囉。」呢個答案真係笑到森美小儀氣咳,玩完一輪,終於到求婚一環,一如所料的悶:「雖然我好木訥,成日都激嬲,但真係好想同你一生一世。」電話另一邊傳來甜到漏的笑聲同一句「好啦」。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。