【颱風山竹】十個打風會被吹走TVB女藝人 馮盈盈都榜上有名?

撰文:林迅景
出版:更新:
見到潘蔚林呢張cap圖,又代表打風啦。

天文台預計颱風「山竹」將會登陸香港,更預警好大機會發出10號颱風信號,相信大家都好嚴陣以待將屋企玻璃窗黐晒膠紙。不過「風球之下就必有勇夫」,以香港人的性格斷然不會放棄此等放假良機外出,睇戲、打邊爐,甚至去朋友屋企打麻雀,這些似乎也是打風期間的例行公事。不過,細細個都聽過阿媽講:「打風落街好危險㗎!」加上電視都有得睇,8號風球真係吹到連個男新聞主播都企唔穩。如果女仕們要落街真係要小心啲。

+2

有鑑於此,以下列舉出10位風球下最有機會被吹走的TVB女藝人,希望榜上有名的幾位千萬小心。又或者,如果各位身邊有差不多身形的女士朋友(或者男性),還望大家互相提醒。

講到驕小可愛,鄺潔楹(Judy)一定有份。(Instagram圖片)

1. 鄺潔楹(Judy)

以一個身高155cm的女仔來說,實在很難想像8號甚至乎10號風球之下的她有多危險。如果Judy在「山竹」來襲時外出,真係分分鐘會成個人被吹起。

+11
其實陳凱琳(Grace)都好輕磅,不過佢有鄭生保護應該唔怕啦。(Instagram圖片)

2. 陳凱琳(Grace)

要數TVB中身形較為驕小的女藝人,除了Judy之外,就一定是最近才成為人妻的鄭太陳凱琳(Grace)。身高162cm的她,在2016年參選香港小姐時,就只有87磅左右,而據資料顯示,最肥的時候也只有93磅。雖然由肉眼觀察,近年Grace體重的確略為回升,但在「山竹」威力之下仍然不足以抵擋。

+10
唔知道馮盈盈打風天會做咩呢。(Instagram圖片)

3. 馮盈盈(Crystal/FYY)

雖然馮盈盈身高有165cm,但是據參選時資料,體重只有104磅。由物理學角度來說,體積越大,受風面積就會越多。當「山竹」來襲時,FYY的身高亦會令她重心偏高,從而令她比其你女藝人更容易「企唔穩」,所以FYY都算是風球下的高危一族。

+15
蔡思貝都算係輕磅㗎,不過佢有運動底,相對嚟講應該安全啲。(Instagram圖片)

4. 蔡思貝(Sisley)

蔡思貝(Sisley)身高164cm,2013年當選時體重才98磅。雖然Sisley最近熱衷於跑步做運動,不過仍屬於輕磅之列,未必承受得住今次個「山竹」。

+8
陳芷尤都係驕小一族,不過聽聞佢好打得,唔知佢有冇試過俾颱風吹走過呢。(Instagram圖片)

5. 陳芷尤(Apple)

據資料顯示,陳芷尤身高162cm,體重約105磅。早前為拍攝新加坡動作電影而受訓的她,應該比起其他女藝人更經得起考驗。不過「山竹」當前,如果陳芷尤要同強風較量,相信都會居於下風。

+10

6-9. 鄧卓殷(Amber)、何雁詩、陳詩欣(Eunice)、阮小儀

除了以上5位之外,其實有不少TVB女藝人都屬高危一族。例如新一屆香港小姐亞軍鄧卓殷(Amber),無論身高體重都與鄺潔楹(Judy)不相伯仲,而何雁詩、阮小儀、賴慰玲這幾位就更加是不用多說。至於最近在《3日2夜》中出現的陳詩欣(Eunice),不要看她身高164cm又有40吋長腿,其實她只有100磅重,真係大風少少都吹得走。

何雁詩

+4

鄧卓殷(Amber)

+6

陳詩欣(Eunice)

+7

阮小儀

+6
據何遠東表示,最輕磅細粒的,細細粒(小寶)是其中一位。(Instagram圖片)

10. 細細粒 - 小寶 (TVB男藝人何遠東提供)

何遠東接受《香港01》訪問時,被問到TVB最細粒最輕磅女藝人的建議,就回答說:「最輕磅細粒,就梗係小寶啦,哈哈哈。」這大概是全電視台都公認的事吧,有名你叫,細細粒吖嘛。

+10