鄧以婷船P粉紅比堅尼最搶鏡 IG最多福利網民最Like卻被TVB冷待

撰文:
最後更新日期:

日日睇住鄧以婷個IG,幾乎日日都有福利圖。(Instagram圖片)

上星期翟威廉大搞自家Happy Live節目,更移師至海上。一班演藝人歌手齊齊一邊開Live唱歌一邊同陽光玩遊戲,而有份出席的女藝人又趁住船P著泳衣比堅尼影相放上網開心share。講到最突出的,除了女神劉佩玥、何佩瑜、余思霆之外,最矚目的肯定是鄧以婷(Irina),粉紅色比堅尼配上熱牛仔褲真是即刻令現場氣溫升高幾度。有傳媒訪問翟威廉時,他更大讚有份上Happy Live的鄧以婷是「人靚聲甜」的代表。鄧以婷接受《香港01》電話訪問時就反讚翟威廉:「佢(翟威廉)人靚聲甜有才華添啦! 彈琴結他打鼓都識!Happy live嘅歌同譜全部係佢寫出嚟,成日寫到凌晨,好有心機!」

咁多網民鍾意睇鄧以婷個IG,其實都唔係冇原因嘅。(Instagram圖片)

其實鄧以婷在加入TVB之前,在網上已略有名氣,除因她是前香港女子組合Super Gear其中一位成員之外,更因為她個人Instagram出名多福利。其後Super Gear解散,鄧以婷就在2016年簽約成為無綫電視部頭合約女藝員之一。鄧以婷表示:「前幾日公司搵過我,好開心啱啱續多兩年約。」雖然她加入2年以來參加的劇目不算多,但是每每有她出現都會引來網民高度關注,再者她有份的《3日2夜》都有收視保證。可惜,可能因為鄧以婷不是「無綫親生女」的關係而較少亮相,如果再多些螢幕前演出機會就完美了。

+27
+26
+25


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。