【延禧攻略】梁家輝、鍾鎮濤齊中劇毒娘娘上身 搞笑又重口味

撰文:張嘉敏
出版:更新:
想要一下梁家輝扮娘娘個樣。

大陸劇《延禧攻略》自播出以來即掀起了一股追劇熱潮,劇中多個角色大受劇迷同網民歡迎,令到飾演那些角色的一眾演員亦人氣爆升,可謂紅遍中港兩地。就連香港不少藝人亦成為了該劇的粉絲,紛紛中晒延禧毒。鄧紫棋早前就試過玩影相app,一人分飾幾角來扮演劇中人物。而日前飾演富察皇后的秦嵐來港出席品牌活動時,蔡卓妍仲化身小粉絲興奮同秦嵐合照。

鄧紫棋都扮過。

別以為只得女生鍾意睇《延禧》,其實劇毒已經蔓延至男士的層面了,就連影帝級人馬的梁家輝以及他的老友鍾鎮濤 (阿B) 原來最近都有煲該劇,仲迷到娘娘上身添。呢日B嫂范姜就於她的IG post了梁家輝同老公阿B扮娘娘的相,相中兩人都瞇晒眼扮到好迷人咁,范姜留言話:「美人」,搞笑得來其實都幾重口味㗎。

呢兩個娘娘真係搞笑又重口味。
B嫂范姜望住老公B哥哥自然情人眼裡出西施啦。