【颱風山竹】徐小鳳演唱會主辦單位被鬧爆 終跪低公佈改期退票

撰文:
最後更新日期:

超強颱風山竹襲港,多區出現嚴重水浸塌樹,災情嚴重。天文台早於一星期前發出預警,提醒大家呢次威脅相當嚴重,講明星期日中午後山竹最接近香港,盡早將周末活動改期。徐小鳳原定今晚(16日)舉行演唱會尾場,剛剛1點宣佈改至17號晚舉行,但網友群情洶湧留言鬧爆,到底發生咩事?

徐小鳳一連6場演唱會,原定今晚(16號)於紅館舉行。(視覺中國)

小鳳姐一連6晚演唱會,由9月7號起於紅館舉行,16號即係今晚就會係尾場。超強颱風山竹強城襲港,9成9活動都提早宣佈取消或改期,但小鳳姐演唱會主辦單位,至昨晚11點仲出post話「尾場之演出安排,將於9月16日下午四時三十分公布詳情」,引起大批已購票或購票予家中長輩嘅網友留言鬧爆安排失當。「9:40am已經10號啦﹗草菅人命﹗」、「公公婆婆為咗唔好浪費錢,冒住危險去睇演唱會,出事邊個負責﹗」

16號晚11點主辦單位嘅聲明,令網友相當不滿。(Facebook截圖)

16號朝早7點40分懸掛9號風球,2小時後10號風球再現,天文台亦講明10號波會維持好幾個鐘。演唱會主辦方終於提早於喺中午一點發出聲明,宣佈演唱會改期,希望已購票人士得到通知唔好再冒險外出。聲明全文請看下圖:

徐小鳳演唱會改期及退票聲明全文。(Facebook圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。