【颱風山竹】蘇施黃不滿政府災後安排 直斥:愚蠢到唔可以再愚蠢

撰文:
最後更新日期:

相信大家都經歷過颱風過後上班那種辛酸,尤其今次「山竹」的威力驚人,導致香港各道路都塌樹影響而封閉,而且各大公共交通工具亦未能趕及恢復正常運作,最後出現如大圍站塞滿人潮、特別巴士班次大排長龍等種種亂象。即使駕車上班族亦面臨著交通堵塞以及行車繞道的困難,打工仔上班頻頻受阻,市民怨聲載道。作為打工仔一份子,向來說話大膽的蘇施黃面對種種亂象都看得「眼火爆」,雖然家住清水灣道的她是「因為交通問題導致不能上班」的一份子,但她亦決定用電話Phone in 的方式繼續為自己主持的電台節目開咪,更直斥特首林鄭月娥應變措施的缺失。

【颱風山竹】張栢芝自發幫助風後救援 原來佢仲試過飛車籌款!

【颱風山竹】卓韻芝以梁太身份「讚」特首:太認同你的價值觀!

【颱風山竹】衛詩雅留家仍被石屎擊中 :我以為自己拍緊災難片

蘇施黃在商台主持節目《大玩派》(Facebook)

蘇施黃的斥罵內容大概如下:「我覺得呢個政府係愚蠢到唔可以再愚蠢,林鄭懶醒話希望大家和諧啲,等顧主同顧員自己去商量,又話希望啲顧主體諒,喂大佬,今日你五點鐘就已經落波,啲人都驚住會遲到啦,6、7點都已經出門口啦,請問吓落咗波你夠唔夠膽唔返工⋯⋯其實林鄭你都真係應該醒少少,大佬,你都要同啲巴士呀,地鐵呀,火車呀呢啲聯繫吓⋯⋯點會要大家好似今日咁,睇到幾慘,睇見嗰啲人喺大圍站嗰度,哇黐線呀真係!所以呢啲我覺得係,大家高官真係唔係普通市民,點解普通市民咁嬲佢哋呢?係你哋唔好閉門造車啦,你哋有車就返到工啫,你個司機咁叻,或者係瞓喺你屋企門口嗰度,阿林鄭一出門口就即刻有兩個司機話到,喂大佬普通市民唔係咁,佢哋真係要坐嗰啲公共交通工具,你都要理解到巴士都未能夠行到啲路,咁地鐵又應付唔嚟,仲要根本都無接駁巴士。真係發神經,呢個真係唔饒恕佢,基本上成件事係黐線。」

除了乘坐座駕,蘇施黃亦不時乘搭巴士上下班。(Facebook)

其實蘇施黃亦不是一面倒斥責政府,她亦讚政府在山竹來臨前的預防措施廣播做得出色,令大部分香港市民都提高警覺,減低不必要的損害。她同時亦有稱讚教育局下令停課決定。其實蘇施黃對颱風的事情亦非常關注,由預防措施到風後實地考察,都通通放上個人社交網站分享。

點擊下圖放大「災民」蘇施黃的風後勘察。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。