澳門受颱風「山竹」吹襲 麥嘉欣:幾蚊卷膠紙炒到50蚊

撰文:
最後更新日期:

2017年國際澳門小姐代表麥嘉欣(Sofia),今日(17/9)出席旺角首間無人24小時健身中心開幕活動,擔任剪綵嘉賓。颱風「山竹」襲港,造成龐大破壞,澳門無一幸免。「我哋過邊澳門情況都好惡劣,有咗上次颱風「天鴿」吹襲經驗,已經預先做好防風措施,將啲玻璃黐晒膠紙,聽朋友講一卷膠紙價值幾蚊,但炒到50蚊一卷,半夜聽到啲風聲都好驚,好彩今日個風球減弱咗,我先可以今早搭船過嚟出席今次活動。」

Sofia大方承認同圈中人拍拖好幾個月,不過就唔很透露喺邊個喎(黃國立攝)

當年港姐雷莊兒奪軍充斥負評,網民稱讚國際小姐澳門代表Sofia索爆,形容一個天一個地,慘不忍睹。由細到大Sofia都會好留意香港小姐競選。「每屆都會坐喺電視機面前睇住港姐選舉,當晚我覺得雷莊兒表現都非常之好,都覺得佢值得攞呢個冠軍,可能大家嘅目光唔同,各有喜好唔同啫,而今屆港姐我估中哂三位,不過次序就錯咗,我諗住冠軍喺丁子田,亞軍喺陳曉華,不過佢哋表現出色,得獎喺實至名歸嘅。」

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。