【颱風山竹】吹襲將軍澳多處水浸 袁偉豪：有一刻想衝落停車場
撰文：吳子生
出版：更新：
袁偉豪（Ben）今日（18/9）以代言人身份出席荃灣舉行的護髮健康產品活動。「要擁有一把濃密嘅頭髮，我平時好注重生活作息時間，每朝早起身我都會食麥皮加啲黑芝麻做早餐，洗頭嘅時候，一定要清潔乾淨，早十幾年前拍劇要戴頭套，可能仲後生，但人大咗，機能差咗，都會有甩頭髮嘅情況，為有保持心境開朗，唔好打亂生活節奏，作適要定時，咁樣頭髮就會好快生長返。」
香港據代表性的石澳「情人橋」及中環「煤氣燈」街被颱風破壞，袁偉豪得知消息，非常痛心，希望政府可以修建重整。（陳順禎攝）
袁偉豪和唐詩詠主演的劇集《棟仁的時光》曾在石澳「情人橋」取景。（電視畫面）
有網友在facebook群組「柴灣人柴灣事」上載一張「情人節」歷超級颱風山竹後的情況。（facebook）
香港受颱風「山竹」影響，多處道路水浸，袁偉豪家住將軍澳是重災區之一，多個私人屋苑因臨近海邊，巨浪衝過河提，海水倒灌湧入停車場，被海水淹浸。「打風嗰日我成晚都瞓唔到，擔心啲窗會爆，啲風真喺好勁，我望出去平時我哋會跑步嘅地方，連一帶避風塘泊岸嘅船隻一切都被水淹沒，見住啲巨浪由小西灣湧埋嚟，好心痛，情況好混亂，睇到好多新聞消息，我哋呢區停車場被水淹沒，有一刻想衝落停車場睇下自己架車，但當時啲升降機都停用，為安全著想最後打消念頭，今日先見返部車，都冇乜損傷。」
袁偉豪打颱風期間，有一刻想衝落停車場，睇下自己愛車有冇被水淹浸。（陳順禎攝）
袁偉豪是愛車之人。（Instagram）