【公關災難】網民批廣告原圖嚇人 Coffee林芊妤中伏：其實接受到
撰文：陳栢宇
出版：更新：
不少化妝、護膚美容品牌近年都捨棄以傳統歌影視藝人作代言人，改用KOL為其宣傳，利用他們在網上的影響力以無所不入的方法宣傳，而這個舉措亦大規模地改變了市場生態。當然，藝人、KOL兩者雙管齊下必定比起獨孤一味更有效果。最近，一家知名化妝品品牌亦找了一班藝人和KOL影了一輯宣傳相片，但一批疑似未執過的未公開的照片卻意外地流出，網民見到後立即喪踩，指相片極度趕客，得返湯怡一個人算正正常常，其他人慘遭她「公開處刑」，絕對稱得上是「公關災難」，最慘是連一向出名身材Fit爆的林芊妤（Coffee）都中槍，有人便勁Mean地笑她「脹了N倍」，與她在自己Instagram公開的相關相片有所出入。
網友指湯怡是唯一一個正常的被攝對象。（Instagram）
網民指出名索爆的林芊妤亦脹了N倍。（網上圖片）
+8
雖然被網民嘲笑，但林芊妤接受《香港01》訪問時卻表現得非常豁達：「冇乜太大感覺呀，我道行冇咁低啦，咁小事唔會令我唔開心。當時係有幾張相畀我揀，咁我梗係揀張最靚啦，我始終都唔係零死角，係有啲角度影得我冇咁靚。如果想知我本身係點，睇我YouTube嘅片就得，因為片冇得執。」
林芊妤又指網上流傳的相片與公關公司讓她揀的版本有所分別：「就算網上流傳嘅係真都好，我影呢張相時我係個大咗肚七個月嘅女人，唔好對我咁高要求啦！其實咁樣對於一個就嚟要生小朋友嘅女人嚟講絕對係接受到，可能我未有BB前都會介意嘅，始終我都係一個瑜伽老師、教人點減肥，但我都就嚟生，唔會太理其他人講啲咩。」
林芊妤指就算網上流傳的相片與她本人一樣都非常合理，始終她也是一個懷有七個月身孕的女人。（Instagram）