【再創世紀】林文龍禁止八歲女兒單獨外出 :絕對唔可能自己一個

撰文:
最後更新日期:

林文龍今日(20日)出席《再創世紀》的宣傳活動,活動中也與一眾老友記大玩猜燈謎,問到文龍今年中秋節會如何渡過?「今年好開心,早兩年要工作唔喺香港,今年終於陪女兒玩玩燈籠,訂咗地方食飯,一家人過節,賞月。」文龍也大讚現場工作人員很好,「佢哋話叫我揀一個送畀女兒過中秋節,我打算做完訪問就去揀一個。」
 

林文龍今年終於可以同屋企人一齊過中秋節,十分開心。(陳順禎攝)

中秋節傳統之一就是玩蠟燭,文龍會禁止女兒玩?文龍表示始終有火就是危險:「雖然佢未必識,但等佢大少少先, 蠟燭將來一定會玩。」現在文龍的女兒已經八歲,開始會有自己的朋友圈,文龍會放心給她單獨出去玩?「未,絕對唔可能自己一個出街,佢先八歲幾,唔可以,你話我細個時候就話得,宜家唔係我哋以前咁踢對拖鞋周圍走,更何況佢係女生。」

文龍唔可以畀女兒一個人單獨出街,表示會擔心佢,要等佢年紀再大一啲先可以。(陳順禎攝)

文龍給人一種冷酷感覺,會令人覺得他難以親近,早前他做了一個專訪笑言自己只是「鱷魚頭老襯底」,問到他是不是很多人見到他也很恭敬?文龍笑言這是正常:「就好似後輩見到前輩恭恭敬敬,等於我見到前輩我都會咁,呢個正常。」最後文龍表示自己其實是一個有幽默感的人,「咁會令到大家開開心心,工作都可以愉快啲。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。