【再創世紀】被網民捧為視帝大熱 郭晉安:言之過早

撰文:
最後更新日期:

郭晉安今日(20日)隨《再創世紀》一班演員和劇組在社區中心與中心長者提前慶祝中秋節。由於劇集於內地反應熱烈,安仔都要抓緊時機「搵銀」,所以今年中秋節要到內地進行商演而無法與家人渡過。雖然今年無法於中秋節正日跟家人過節,但都會提前跟仔女玩點蠟燭的傳統燈籠:「我哋想環保啲,希望用返啲傳統嘅蠟燭。(不擔心會危險?)會啊,但又想佢哋感受吓點蠟燭。」安仔解釋現時很多小朋友都不懂得如果使用打火機,雖然對小朋友而言也有一定的危險性,但他相信身為父母也有必要正確教導他們安全地使用打火機的方法。

郭晉安今日(20日)隨《再創世紀》演員及劇組與中心長者提前慶祝中秋節。(陳順禎攝)

雖然台慶劇暫時尚未播出,網民已經熱捧安仔憑《再創世紀》再奪視帝!安仔可有信心再度問鼎視帝?安仔謙虛表示:「呢個去到年尾嫁喎,我相信更多好嘅嘢一路出緊,言之過早啊。」近年演奸角都屢獲好評,被問到是否有意繼續朝著「奸角之路」進發,安仔稱希望可以再嘗試不同的分派:「其實咩角色都可以試吓,可以再演層次多啲嘅,即使係啲反派呀,有好多層面嘅反派,希望以後可以再做反派嘅時候監製要幫我諗一諗。」早年「阿旺」一角深入民心,令「郭晉安」三個字與「阿旺」劃上等號,假如再演奸角會否擔心自己再次被定型,安仔表示不擔心,並表示接下來會努力透過角色為觀眾帶來更多不同的一面。

有網民力捧安仔憑《再創世紀》再奪視帝,安仔謙虛表示現在還言之過早。(陳順禎攝)

近年內地綜藝節目盛行,被問到想不想透過綜藝反映最真實的「安仔」給觀眾,他表示感興趣:「有嘅有嘅,但係都要綜藝節目都要睇返啱唔啱自己做。」被問到有沒有興趣與小朋友參加育兒節目,安仔表示:「咁都要問返小朋友尊重返佢嘅,但暫時佢哋嘅興趣都不大。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。