【再創世紀】袁偉豪怕受不住張寶兒「引誘」：唔好喺我面前食啦
撰文：趙允琳
出版：更新：
袁偉豪（Ben）今日（20日）隨《再創世紀》演員和劇組與中心長者玩遊戲、猜燈謎提前慶祝中秋節。早前林盛斌（Bob）於社交網站向阿Ben「挑機」拍寫真，被問到會否加入戰團「應戰」？他笑道：「吓！首先我唔覺得佢係挑我機喎！我覺得佢幾有gimmick（噱頭）吖！佢都話如果去到某一個like就話會出一本，咁我都話如果你想搵人幫你影，我可以幫你影嘅。我做攝影師操刀囉！」（會否考慮與阿Bob二人合作出寫真？）「都可以架，睇吓可以有咩合作方式。」
袁偉豪（Ben）今日（20日）隨《再創世紀》演員和劇組與中心長者玩遊戲、猜燈謎提前慶祝中秋節。（陳順禎攝）
阿Ben早前於寫真中大曬好身材，現在還有保持著好身材嗎？「暫時無啊。因為完咗《鐵探》我要減磅無做運動，啱啱完咗套劇先叫做做返運動，所以暫時都唔會太過激。」他更表示減磅其間都多次禁止女友張寶兒「引誘」他：「我成日同佢講你要食好野你自己出去搵朋友食啦，特別喺我減緊磅嗰段時間，唔好喺我面前食啦。」中秋將至，擔不擔心會吃很多月餅令身材「走樣」？阿Ben表示為了應節無所謂：「其實呢食得多零食或者一啲比較卡路里高嘅食品，唔會即刻肥架！等多幾個禮拜先會肥出嚟，所以暫時都仲ok。」
早前林盛斌（Bob）於社交網站向阿Ben「挑機」拍寫真，他直指覺得阿Bob有gimmick（噱頭），更表示願意當攝影師操刀。（陳順禎攝）
他表示中秋節當然也會帶女友回家跟媽媽過節，亦會拜候世伯伯母：「一個傳統節日都需要同一啲朋友、長輩聚會吓，團圓吖嘛。」下月阿Ben將會充當攝影師帶女友跟媽媽到日本東京旅遊，並表示希望屆時可以看到秋葉，留下美好回憶。