【黃金有罪】80後姚子羚未用過Call機:月費成幾百蚊真係好貴

撰文:吳子生
出版:更新:

無綫新劇《黃金有罪》一眾演員今日(21/9)出席電視城舉行的造型活動。故事題材以香港70年代作為背景,當年經濟發展迅速金融行業盛行,發生多宗金融騙案。故事講述姚子羚、蕭正楠兩人先後到張兆輝股票行工作,子羚因而愛上張兆輝,並在劇中展開三角關係。子羚話:「套劇講我本身屋企有啲錢,老豆因欠債走咗佬,剩低我哋三母女,後尾去咗蕭正楠屋企住,佢屋企同樣有三個男人,對住我哋三個女人,蕭正楠因而鍾意咗我。」

姚子羚表示香港有Call機的年代時,未曾用過。(陳順禎攝)

此外,子羚透露在劇中會有三個不同造型,隨著故事的發展,之後會變得成熟,穿著返讀書的時候「Y」字頭品牌的喇叭牛仔褲,為配合個假髮,還要將前面的頭髮剪短。「今日我呢一個打扮係一個Call台妹造型,令我回想起當年冇手機年代,自己讀書嘅時候真係冇用過Call機,月費成幾百蚊真係好貴,後期儲咗好耐錢,等到出我人生第一部「摺機」手提電話。」蕭正楠表示:「我哋拍呢個年代嘅髮型真係又厚又長,短時間真係留唔到,戴假髮就最快最似,不過後期會變得成熟啲,同張兆輝搵到錢,成個造型都會改變,之後我可以用返自己頭髮。」

蕭正楠早前被颱風摧毀的玻璃窗,仍未維修,因為訂做玻璃需時。(陳順禎攝)
你可能感興趣