【橙紅年代】陳偉霆唔做霸道總裁即失靈 新劇收視輸鍾漢良一大截
撰文：鄺鈺瑩
出版：更新：
陳偉霆為逃避警方追查，跳海之後被救起，但原來已經昏迷8年。
陳偉霆近年喺內地戲劇、綜藝未停過，新劇《橙紅年代》更拍金馬影后馬思純，劇中陳偉霆飾演的劉子光逃出犯毒集團之後，由於成為警方的線人，所以又再一次重返犯毒集團……既有犯毒、又有警察，動作場面少不了，再加上陳偉霆於劇中又被囚禁、失憶，所以頭幾集佢個造型都頹，有指陳偉霆為令角色更貼地，堅持三個月唔沖澡……到底係三個月定三日定三小時？反正最終都係充滿「男人味」。陳偉霆過往幾部作品都偏向霸道總裁方向，今次要在《橙紅年代》中走乞丐風格，粉絲當然絛所謂，但劇迷就似乎有所保留。
被送到警局之後，影犯人相點解要露肉？
劇集本周分別於電視台同網上平台聯播，首兩集於東方衛視的收視為0.22同時段排名13，比起過往陳偉霆主演的《老九門》、《醉玲瓏》分別收1.108同0.241似乎略為失手，雖然去到第五集收視終於破1，但劇集相關內容就未見出現於微博熱搜當中，比起《廷禧攻略》播放時，微博出現大量相關搜查差距甚遠。而與《橙紅年代》同期播放、由鍾漢良主演的《涼生，我們可不可以不憂傷》首集全國收視0.65排名第6，最新一集已而攀升至第4……陳偉霆為新劇打得咁辛苦又唔沖涼，且嘗試唔賣靚樣，結果原來係唔work，都係做返霸道總裁啦。
陳偉霆之前幾部劇都係官仔骨骨。
鍾漢良於《涼生，我們可不可以不憂傷》中都係走總裁路線，飾演深情守候女主角，呢啲劇情真係最得女觀眾歡心。