【銀魂2】鄭世豪有橋本環奈唔愛寧要坤哥 「佢真係好似新八」
撰文：趙允琳
出版：更新：
鄭世豪昨日（21日）出席電影《銀魂2：規矩是為了被打破而存在的》首映禮，他表示雖然自己沒有看過漫畫原作，但看過電影第一集就愛上了整套動畫。被問到喜不喜歡女主角橋本環奈，世豪竟然向坤哥（吳業坤）示愛：「我都係比較鍾意（男）主角（新八）多啲，因為佢真係係好似坤哥！做勁歌金曲季選嘅時候我哋要扮動畫造型，佢同呢個動畫一模一樣。」他希望之後能再有機會跟坤哥一起cosplay一下。
早前在《勁歌金曲優秀選》，坤哥就以新八形象示人。（網上圖片）
在《銀魂2》，菅田將暉飾演的志寸新八的確有幾分同坤哥撞樣。（網上圖片）
電影以「打破規矩」為中心，他自認自己比較循規蹈矩而局限了自己，希望能借鑒電影，對打破規矩有新的看法。世豪亦希望在音樂上能作出一些新嘗試：「喺歌曲創作上面，目前為止都做咗好多自己心目中想做嘅音樂，係時候要打破一啲規矩，跳出正常嘅框框去推出新嘅歌，等大家對我嘅感受有啲唔同。」他亦稱自己一直不敢玩刺激的極限運動，希望都能衝破恐懼挑戰一下。
鄭世豪昨日（21日）出席電影《銀魂2》首映禮，表示比起女主角橋本環奈更喜歡男主角新八，原來是因為他很像坤哥（吳業坤）！（黃國立攝）
他稱自己一直不敢玩極限運動，希望能打破規矩，衝破恐懼挑戰一下。（黃國立攝）
早前世豪於社交網站發文指自己遺失了$1,900元現金，但現在卻說很感激小偷：「我嗰日係去提款㩒咗$1,900蚊出嚟，一攞完錢之後就摺埋咗袋咗落背囊度，跟住就去打籃球。打完場波出返嚟，叠錢就唔見咗啦！（所以個銀包係無唔見到嘅？）銀包係無唔見到嘅！嗰個人好有良心，淨係攞咗我叠錢啫，佢無攞我身份證、信用卡啊，我要喺呢度多謝佢。」
世豪更透露現在正製作新曲，並會在9月尾拍攝MV，新歌預計在11月就能正式推出。（黃國立攝）