鄭嘉穎陳凱琳夫妻檔到意大利睇騷 意外爆陳嘉寶BB性別
撰文：洪曉璇
出版：更新：
鄭生鄭太可以拍住拖公幹，真係難掩興奮心情。
鄭嘉穎、陳凱琳婚後愈見甜蜜，做訪問開口埋口都係婚後生活，仲夫妻檔上陣，遠赴意大利出席米蘭時裝周睇騷。婚後首次以夫妻檔出席外地活動，鄭嘉穎笑指今次工作輕鬆，抱住旅行心情開工：「當旅行的心情？都可以這樣說的，我沒有來過米蘭，今次非常多謝品牌請我和太太一起來睇騷，因為這次是新婚後首次一齊出trip，所以感覺好不同。（想唔想做模特兒行騷？）我？做model？真係沒有想過喎。其實我之前是有去過巴黎睇騷的，但行騷就未試過。但如果有人夠膽搵我的話，我都會夠膽嘗試的！」
嘉穎去到邊都拖實老婆，真係SWEET到暈呀。
佢地孖住接受big big channel訪問時仲大耍花槍，嘉穎直言：「無論到那裏，有你的地方就是浪漫。」Grace仲話此行特別帶手工月餅，同老一齊異地賞月過中秋。提到好友陳嘉寶懷孕6個月，Grace直言已報名做契媽，仲諗住買架法拉利BB車做禮物，點知身邊嘅嘉穎口快快爆：「BB係女仔，法拉利留俾賴慰玲的囝囝Marat啦！」
衛詩雅雖然奕做電燈膽，但睇完騷可以SHOPPING，一樣笑逐顏開。
同樣受邀到意大利睇騷嘅衛詩雅，揚言將瘋狂Shopping，寓工作於娛樂：「今次係第一次出席米蘭時裝周活動，所以真係好興奮，出發前一直諗要著咩衫出席活動！今次現場睇騷真係大開眼界，好興奮！我都同經理人講咗，完騷之後要比時間我去古蹟參觀之餘，仲要留時間比我Shopping，所以都預咗大出血。」
+8