【延禧攻略】黎耀祥三點分析爆紅原因 唔覺拍內地劇做男二委屈

撰文:
最後更新日期:

無綫熱播清裝劇《延禧攻略》爆紅,TVB好識做邀請了主要演員來港,出席《延禧南巡》活動,而身為視帝的黎耀祥亦有出席,並化身為公公同大家玩遊戲,哄得全場人士大笑。

《延禧攻略》紅遍兩岸三地,過去這一類型劇集(清裝劇)幾乎都大受歡迎,問到黎耀祥覺唔覺宮鬥劇就是不死,他就認為好睇劇情的:「無話清裝古裝還是時裝的,《延禧》的成功是劇情推進同演員做得好。它的包裝、美術有新意,同我們以往的劇情好不同。另外,因為劇情進展快遇到問題好快解決,就唔會拖泥帶水,同以前傳統的劇情好大分別。」

黎耀祥扮公公同大家玩遊戲。(梁碧玲攝)

內地劇製作認真特別是古裝劇,而黎耀祥今年有一個新突破,就是出道那麼多年終於接拍第一部內地劇《鳳弈》,不過他貴為視帝只是做男二,問到會不會覺得委屈,他覺得已經好厲害了:「不會,大家都知道我入行咁多年由低做起,得覺得這個角色有發揮空間,在大陸老實講男二已經好巴閉,男一就是不得了。從來不覺角色有大細之分,有一些戲份好少沒想到出來就爆左,在這個時候就好明白演戲唔係在於多,而是在於好。」不過無論男一男二都好,黎耀祥的演技絕對冇得彈。

黎耀祥唔覺做男二委屈。(陳順禎攝)

據知黎耀祥接拍這部電視劇,有一個人好影響他,就是同他合作無間的著名編劇張華標:「這部戲是張華標編劇,我們已經是老拍檔,他好了解我的特性、優點,好放心交給他。我答應拍的時候冇睇過劇本冇了解任何嘢就接。」可想而知張華標對他有幾重要。

 

出道如此多年在這個時間點接拍內地劇,好大原因是在於家庭。因為過去仔仔太細個,他唔想離開太耐,認為不需要為事業放棄家庭,現今仔仔長大成人,他就比較放心,由此睇嚟黎耀祥唔止是一位出色演員,還是一位好好先生同好好爸爸,難怪咁受歡迎啦。

黎耀祥覺得角色冇大細之分。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。