【多功能老婆】周柏豪愛的宣言 ：好感恩佢喺身邊
撰文：賴家杰
出版：更新：
周柏豪今天（26日）晚上出席《多功能老婆》的煞科宴，柏豪指對大家相當不捨：「唔捨得係一種幾好嘅感覺，證明大家拍攝過程有交岀真心，去到今日煞科宴先至有唔捨得感覺，係良好反應。」柏豪說到很不捨，是否和千嬅拍戲好開心？「最開心其實大家都唔會有怨言，好欣賞大家付出，尤其是千嬅，佢係成個過程咁多組，有30組疊住同電影工作，佢係24小時冇得瞓，嚟到拍劇場地仲係好專業好開心，真係好欣賞佢。」
周柏豪今天（26日）晚上出席《多功能老婆》的煞科宴。（梁碧玲攝）
劇中圍繞親情、友情和愛情，柏豪直言這一次演技上對他來說是很大挑戰：「因為劇中故事好細膩，做電視劇同拍電影拍Mv好唔同，因為電視劇講緊好多集鋪排，講緊成千場戲，電影可能一百場戲內就完，監製陳寶華每一日拍攝都會現身或私下都好似一個補習老師咁教導我哋，呢一樣好似補習。」而劇中柏豪與千嬅對手戲最多，問到柏豪與金像影后合作，會大壓力？柏豪笑言沒有，反而她教導了自己很多事。
柏豪同千嬅合作，好感恩千嬅教導咗佢好多。（梁碧玲）
問到柏豪拍攝這套劇叫《多功能老婆》，那他現實中的老婆也很多功能？柏豪幸福的說：「其實佢多唔多功能都好，自己都會好感恩佢係身邊，唔係因為佢好而好，而係因為鍾意佢先會覺得佢好，好唔好都好主觀，我覺得佢好就得。」