鄧麗欣意大利被扒手偷走手機 網民：會唔會有同王子嘅蜜照流出？
撰文：張嘉敏
出版：更新：
Stephy喺意大利被偷手機。
歐洲好多國家的治安都不是太好，尤其是出名多扒手，去歐遊或公幹都真係要份外小心，不過鄧麗欣 (Stephy) 就好唔好彩了，被人偷了手機！Stephy日前應品牌之邀到了米蘭時裝周睇騷，據知她的男友邱勝翊 (王子) 都有同行，原本可以寓工作於拍拖，好sweet，點知期間竟然於佛羅倫斯遇到了扒手，結果手機被偷了，要即時於當地買過一部新手機。
據知Stephy男友王子今次都有同行。
Stephy昨晚在IG post了她新買的手機相，表示：「在佛羅倫斯的紀念品！話說其實我都想換新埃瘋，但係都不用咁趕急俾個藉口我買，意大利扒手的厲害我完全見識到了！拿份報紙走過來給我看，說兩句我聽不懂的話，手機就不翼而飛！大家來旅遊真的要格外小心！」她還落了hashtag #義大利 #佛羅倫斯 #紀念品 #iphonexs #換手機的藉口 #放手 #放開所有，來自我安慰一番。
佢要即時喺當地買部新手機。
而Stephy的好姐妹區文詩就留言踢爆她原來好大頭蝦，說：「你好似次次去歐洲都有嘢唔見！」曾經唔見過passport以及銀包的Stephy，就即刻澄清表示：「邊有次次！」粉絲同網民亦有留言提醒她以後要小心些。另外，大家都有擔心Stephy同王子的蜜照會唔會因此而流出呢？她的新手機唔知係咪男友王子送給她的呢？
唔知會唔會有Stephy同王子嘅蜜照流出。