【救妻同學會】搶《十二傳說》檔期在台慶月播 賣點不止得靚女?

撰文:
最後更新日期:

由蕭正楠、林夏薇主演的TVB新劇《十二傳說》本身原定在8月12日正式首播,但因為要遷就星期一至日播出的《延禧攻略》,所以要延期至《延禧攻略》完全播畢後才可以在周日檔期出街。不過,最近有消息指《十二傳說》又要等多陣先播得,因為TVB再度變陣,將劇集變做星期一至五播出,由原來的每集2小時共12集的內容,剪成每集1小時共25集,成件事唔同晒。

蕭正楠、林夏薇和張頴康主演的周日劇《十二傳說》最近改成星期一至五黃金時段播出。(視覺中國)

《十二傳說》監製黃偉聲接受《香港01》訪問時確認相關消息,更指劇集要等2019年才會正式出街。提到劇本原本為周日時段度身訂造,問更改成星期一至五播出會否好大影響?監製說:「OK嘅,雖然原先係12集12個單元,但因為人物、故事都係連貫,所以影響唔大,同埋而家轉咗喺黃金時間播,點樣計都係一件好事。」

以恐怖、怪事為題材的《十二傳說》不乏血腥畫面,點擊下圖逐格觀看(膽小者慎入):

+7
+6
+5

至於《延禧攻略》播完後星期日會有咩睇?TVB內部消息指之後的周日會先播一些電影,到11月25日才播出關樹明監製、劉佩玥和胡鴻鈞主演的青春劇《救妻同學會》。《救妻同學會》監製關樹明接受《香港01》便指方向大概如此:「其實未收到公司嘅正式指示,但佢哋係希望可以喺11月尾至12月頭出街。」提到劇集仍在拍攝當中,預計10月尾才正式煞科,整個過程非常趕急,他說:「係好趕架,不過台前幕後都會盡力配合公司要求。」

《救妻同學會》仍在趕拍當中,最近一班演員為9月9日生日的劉佩玥慶生。(Instagram)

雖然監製關樹明口裏說不指公司從來沒有明言,但TVB這次變陣卻實際地令《救妻同學會》成為「隱藏版」台慶劇,事關劇集在11月19日台慶騷後播出,與星期一至五播的正版台慶劇《兄弟》各佔兩個時段。

而其實《救妻同學會》本身亦甚有賣點,它是TVB近年少有的青春偶像劇,更以大量後生靚仔靚女擔任主要角色,包括劉佩玥、胡鴻鈞、朱智賢、伍富橋、黃庭鋒和黃美棋等,當中出名靚仔又好戲的李任燊更是首次在TVB劇集中演出,除了大學宿舍生活,更有平行時空元素,絕對有望超級《四葉草》系列。

點擊下圖睇靚女:

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。