【全民造星】大熱Ian陳卓賢靠跆拳向肥仔說不 後上氣勢直迫姜濤

撰文:
最後更新日期:

由ViuTV主辦的選秀節目《全民造星》近日已進入白熱化階段,十強誕生,姜濤(姜B)依然是呼聲最高的大熱門人馬由頭帶到尾。但能夠晉身十強的選手亦絕非等閒之輩,除了肥仔梁業和Lokman之外,天生擁有一把磁性聲線的Ian陳卓賢亦極具可塑性!更有著與姜B類似的奮鬥進化史。

【全民造星】姜濤被爆不是「A0」 青澀拖女好純情

Ian陳卓賢天生擁有一把磁性聲線,又懂結他、鋼琴,終打入十強,實力不容忽視。

肥仔係潛力股!

從來「肥」都是幕前工作的天敵,當然,世界上存在著很多很多身材肥胖而又成功的藝人,所以「藝人要瘦」並非永恆的定律,不用看太遠,十強之一的肥仔梁業已是最佳的人辦。然而「減肥成功」卻往往能夠成為話題,尤其在香港的娛樂圈,因為有減過肥的人都深深明白,那種餐單、所需求的運動量、以及堅定的意志,瘦身要成功實在得來不易。相信有留意開《全民造星》的觀眾都知道,大熱門姜濤小時候很肥,但經過一番努力,他與「肥」再扯不上關係,亦成功蛻變成為一個「靚仔」,Ian亦然。

大家先睇睇Ian細個嗰時嘅肥仔樣!

Ian的自白

「我細個其實好肥,同姜濤以前差唔多,又係嗰啲好嘴gelgel嘅肥仔,好似好撩交打嗰隻,我細個係畀我父母打得多,我同我細嗰個阿哥細個成日打交,細個學跆拳道學到黑帶,原因就係想打贏佢!」正因為哥哥的關係,Ian成功借助跆拳之力為「肥」劃上句號。

+2

Ian進步神速成為導師寵兒

其實Ian一路走到十強可謂愈走愈勇,尤其是他天生的磁性聲線,每次演唱均打動人心,大獲評判讚賞,惟舞蹈才能一直平平無奇。不過Ian在最近一次表演卻令評判們挖目相看,雖然Ian的舞藝仍未及肥仔和Lokman,但對比起初參賽的自己,可謂判若兩人,一眾導師更給予高度評價,郭偉亮說:「佢哋之後要去洛杉磯,接受一位跳舞好勁嘅人嘅訓練。由頭到尾我都唔覺得佢跳到舞,上一輪比賽我就係覺得Ian,我見到,哇,原來佢都跳到。佢嘅進步係其中一個進步得最多嘅學員。」側田:「如果講話個吸收能力,我覺得Ian會受惠,因為Ian進步得好犀利,開始發光。」

其實Ian係一名排球運動健將!對身體嘅肌肉運用有相當高嘅程度,相信會係佢跳舞嘅助力。(電視畫面)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。