【惡獸首映】岑日珈出新歌壓力大 好驚變禿頭：啲頭髮成大扎咁甩
撰文：吳子生
出版：更新：
岑日珈（Angie）昨晚（27/9）現身九龍灣舉行的電影《惡獸》群星首映禮。Angie個人單曲新歌《Time to go》10月即將面世。「心情好緊張，都相隔咗成年幾冇出新歌，緊張到前幾日沖涼洗頭嘅時候，突然之間甩頭髮，仲唔係幾條咁甩，係成大扎咁樣甩，好驚個頭會唔會甩哂啲頭髮㗎，我到而家都唔敢睇，唔敢面對，只係用手摸都覺得啲頭髮薄咗好多，希望會遲啲冇事啦。」
Angie愛心澎湃，家中飼養了13隻流浪貓狗。（梁碧玲攝）
岑日珈為進軍影壇裝備自己，11月將遠赴北京進修演藝，並將會接拍賀歲片與林敏驄做對手戲。「林敏驄係一個好有才華嘅音樂人，佢作曲詞好叻，係音樂界有鬼才之稱，雖然未合作過，但好期待可以同佢演戲，亦知佢口才了得轉數又快，同佢拍戲我預咗俾佢整蠱，咁樣出到嚟效果先好笑，最緊要畀到觀眾開心同快樂先最為緊要囉。」