【蝕日風暴.專訪】薛凱琪戀愛大過天 唔介意男主內女主外

撰文:
最後更新日期:

作為女人要懂得為自己打算,畢竟人生經驗都是靠自己慢慢累積。眾所周知薛凱琪(Fiona)是工作狂,在纖瘦的外表下,戰鬥力卻相當驚人。還記得Fiona初出道時,在無綫劇集《學警雄心》青澀的外表,清爽的短髮確實是迷倒一眾男生。而Fiona在近日播出的網劇《蝕日風暴》中,再次飾演Madam,不過就由學警「升呢」為高級督察,更添一份成熟硬朗的感覺。

【蝕日風暴】近年難得高質港產劇 不止張智霖王陽明夠靚仔咁簡單

今次在劇中飾演高級督察,Fiona透露在接拍前及拍攝時那段時間,通常都會用那個角色的身體語言及說話聲調去練習,令自己更加投入角色。(葉志明攝)

拍攝動作場面不怕受傷 最怕竟然是打針

Fiona接受《香港01》訪問時表示,今次所飾演的角色較為認真,加上有大量追捕及打鬥場面,自己在正式拍攝前都做足功課,令自己更加投入角色。談到角色性格硬朗、黑白分明,Fiona自言角色就是自己現實生活中的縮影:「角色同自己都有啲相似,自己性格都好firm,好多事情例如襯衫、製作音樂等,都知道咩適合自己,知道咩係啱咩係錯,我好獨立,覺得自己能夠照顧所有人。」

相信大家都未見過Fiona在正劇中飾演過Madam,加上劇中有大量打鬥及追捕場面,需要得體力相當大。談到劇中的危險場面,Fiona直言從來都不怕辛苦,而自己都不是一個錫身的藝人:「如果拍戲要吊威也、打鬥場面,整損或者拗親都唔驚,損咗咪損咗囉,除咗打針!到今時今日我打任何疫苗,驚到貼住個牆,我叫得太犀利,連醫生畀咗個白雪公主膠布我。」

【蝕日風暴】薛凱琪學警升呢 喪打搞到手骨移位!

雖然現時Fiona處於積極工作養家的階段,但對愛情仍滿有憧憬,只希望能夠找到一個在背後支持自己追夢的男人。(葉志明攝)

擇偶不看身家地位 只要專一就足夠

一向對愛情有憧憬的Fiona,根本不會計較另一半從事什麼職業,只希望未來的老公是一個聰明的男人。作為一個事業型女性,在愛情方面都有自己的一套想法:「一定要搵一個會Support你夢想嘅男人,如果你女人喺事業上尋找到成就感,你就應該支持對方,因為你愛佢。我相信我未來嘅老公就算賺錢少過我,甚至乎唔工作,都會支持我同愛我,因為佢一定係有智慧,會用最善良嘅心去Support我同屬於大家嘅家庭。」

講到尾,都是戀愛大過天。既然不計較另一半的賺錢能力,為什麼到現在還未能尋找到真命天子?Fiona坦言只希望對方專一、聰明和孝順,不過同時符合這三個要求就已經非常困難:「我好鍾意浪漫同搞笑,就算對方唔浪漫同搞笑都唔緊要,因為當我浪漫的時候我會創造所有嘢,對方只要接收這份愛。什麼職業都冇所謂,一定要認真。(其實應該唔難?)唔難?你搵畀我啊。真係難,要中晒所有條件,我唔使靚仔,高矮肥瘦都得,你有冇呢啲?」

早前推出國語碟時沒有推出實體碟,原因想環保,但有很多歌迷投訴,所以將來出碟只會出限量實體版給歌迷留念。(蔡志明攝)

入行至今踏入15個年頭,Fiona在歌、影、視都有所成績,更擁有自己的時裝品牌,究竟還有什麼事想完成?

在大學時,修讀創意媒體的Fiona坦言最想舉辦一個屬於自己的畫展,但對自己要求甚高的她直言想親自包辦設計、燈光效果等元素:「好想有一個裝置藝術展覽,我去到每一個國家旅行或者工作,都會尋找當地嘅裝置藝術展覽。」另外,Fiona已創作了一個以天堂與地獄為主題的劇本,很希望將劇本拍成電影。至於問到何時會再推出廣東歌,Fiona透露即將會開始造歌,而題材就會圍繞「生命」這個議題,來紀錄過去兩年來思維上令自己有很大改變的感覺。不過為了響應環保,正籌備的廣東碟只會推出少量實體碟來給歌迷作留念。

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。