倪晨曦搭港鐵遇抽水：我問佢你做乜嘢
撰文：吳子生
出版：更新：
倪晨曦(Elva)今日（28/9）以代言人身分出席科技美容旗艦店新張開幕活動。Elva天生麗質，肌膚亮白透亮，原來女神在護膚上都有過慘痛經驗，令她痛不欲生。「當時讀梗中學嘅時候，聽人講有隻洗面奶好好用，係奶狀嘅，話係塊面度係咁搓，啲死皮及污穢嘢就會走哂出嚟，咁我特登買咗返嚟用，咁我就係咁喺兩個臉珠度係搓，當時見到係有啲嘢走出嚟，當晚好開心，覺得自己成功咗喇，點知第二日一起身，見到自己成塊面爛哂，當時好驚唔知點算，即刻去睇醫生，醫生同我清走成面啲粉刺及膿瘡，用咗大半年先可以將啲印退走哂。」
Elva讀書時期，誤信坊間美容產品，結果爛面收埸，用了半年時間康復。（吳子生攝）
Elva更表示幾個月前乘搭港鐵時被人故意抽水，講起當時情況Elva都好嬲。「我𠴱日着咗條短褲出街，去咗搭港鐵，當時車站內冇乜人，我行緊嘅時候，有個男人由我身後行到我前方，突然之間轉身，差啲俾佢隻手點到我敏感部位，我𠴱一刻用手撥開佢，仲問佢你想仲乜，個男人扮冇嘢走開，其實點解我會洞悉到佢嘅行為，因為我之前都有咁俾人故意抽水，有啲男人會故意行得急為藉口，隻手會揩落你大脾度，然後若無其事，以前會唔知，但試得多個人學精咗，所以我依家都警覺性好高，遇到咁唔尊重嘅事我一定會出聲。」
Elva擁有咁靚嘅肌膚，原來每日早夜都會敷面膜㗎，一啲都唔可以懶。（吳子生攝）