【多功能老婆】楊千嬅開工例遲激嬲陳煒︰助手每次都有打去通知
撰文：林迅景
出版：更新：
楊千嬅、郭富城和萬梓良等人昨晚出席電影《麥路人》感謝宴。近日報導指楊千嬅因為《麥路人》撞正電視劇《多功能老婆》檔期而經常遲到，最後更引至《多功能老婆》中另一對手陳煒（煒哥）不滿，楊千嬅接受訪問時就大方承認自己確實有試過遲到。「我會好坦白，嗰時我真係有遲到，但都只係20分鐘到半個鐘以內。我記得唔過3次，我好記得，因為每次收唔到工嘅時候，我助理都會好專業咁打過去講，但係唔會臨時先打，通常都係早2，3個鐘知道收唔到工就即刻通知（對方）劇組。」
楊千嬅好大方認自己有遲到，不過就唔係遲太多。（葉志明 攝）
楊千嬅解釋其中一次遲到的原因：「有次我要去睇醫生針灸所以就遲咗少少，但都係為咗有好狀態去開工，所以我一直有將自己嘅行蹤post上 IG，大家都知我喺度做緊乜，所以我真係覺得冇關係啦，最重要出嚟作品好睇，呢個先係最重要。」
而另一邊廂傳聞的另一「主角」陳煒同一晚出席晚宴活動時亦都正面回應傳聞：「完全都唔知喺邊度傳出嚟，係非常之無稽，千嬅真係一個好專業嘅演員，事實上佢真係疊住套電影《麥路人》，但佢寧願自己唔瞓都要完成手頭上嘅通告唔去改期，我都好佩服佢。」
同一時間楊千嬅都有拍《多功能老婆》，到底年底會否爭奪視后，她說：「如果我表現好嘅就會有，如果表現唔好說唔應該拎（視后），去到我呢個階段同年齡，最重要就係樂天知生命，心安理得，家庭快樂，就係咁，都唔會諗太多。作品好就有滿足感。」（葉志明攝）
+2