許秋怡上台獻唱老公王書麒突來撐場：我哋見面時間真係少

保良局慈善獎券暨「愛心獻保良」籌款活動，今日（29/9）於馬鞍山舉行開售剪綵禮，許秋怡以嘉賓身分前來支持，並上台獻出名曲《千個太陽》。秋怡做訪問時，老公王書麒突然撐場，令秋怡大為驚喜。「我連續喺內地登台做咗十幾場，老公又要拍戲，變相我哋兩個冇乜機會見面㗎，因為大家有個善心，所以上天就俾一段時間我哋見幾個鐘。」書麒表示：「太太成十幾日都唔喺香港，來來回回都知佢好辛苦，所以都會來撐場支持下佢。」

秋怡被問到會否開個人演唱會？秋怡就話：「其實自己就冇認過嘅，但都好多人有搵過我，咁但係對於我嚟講，始終我呢個歲數啦，其實做嘢之外家庭都好緊要，我覺得做人最緊要開心，暫時對我嚟講未有呢個心願，知道開演唱會，有好多事前準備要做，唔想俾自己太大壓力。其實成日要去內地做嘢，舟車勞頓，瞓嘅時間又少，把聲可能又會沙咗。」書麒在旁打趣說：「不如咁啦我去開一個冇歌嘅演唱會啦，哈哈。」秋怡笑話：「我第一個撐場，哈哈。」