Joe Junior談「樂壇之寶」稱號由來 個名原來係曾志偉改

撰文:
最後更新日期:

Joe Junior昨日(29/9)在馬鞍山出席保良局慈善獎券暨「愛心獻保良」籌款活動。Joe Junior透露今個月做了很多相關慈善活動。「中秋佳節都有去派月餅畀啲長者,陪吓佢哋傾下偈唱下歌仔,帶多啲歡樂畀佢哋,呢一樣嘢係最緊要。」

Joe Junior表示大病過後,每日早上都會晨運,養成良好生活習慣,令自己更健康。(吳子生攝)

提到Joe Junior將於11月3日在灣仔伊利沙伯體育館舉行《跨越半世紀2018演唱會》,他說:「上年開唔到演唱會,今年可以開返,心情非常好開心,好多謝我經理人及主辦單位,佢哋叫我做樂壇之寶,我諗下點解叫樂壇之寶呢,諗起最初叫我呢個名嘅人叫做曾志偉,咁我就多謝佢哋叫我做樂壇之寶,唔當我係草,雖然我唔係最好,但係我會無綫精神做到最好。」Joe Junior透露演唱會嘉賓有修哥、其他小生就唔得閒,仲話修哥表示演唱會當日唔會再唱《青青河邊草》,到時會唱啲英文歌俾畀大家聽。

Joe Junior日日練歌,為演唱會作好準備。(吳子生攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。