葉家寶與魏秋樺首次破天荒合唱:即管試一試

撰文:吳子生
出版:更新:

魏秋樺、葉家寶一同出席油麻地舉行的《亞洲會六周年晚慶會》活動,現埸星光熠熠,兩人首次同台合唱,心情興奮。家寶笑說:「嗰陣時我哋籌備亞洲會會慶嘅時候呢,大家一提就講9月29日喎,當時大家都唔知嘅,我就話𠴱日咁啱係我生日,佢哋就話不如雙喜臨門啦,但原來秋樺姐早幾日又係生日,今日就變成三喜臨門啦。」

秋嬅姐表示要保持健康又靚的肌膚,首要是要保持心境開朗。(黃國立攝)

「凍齡美魔女」秋嬅姐今晚穿著低胸晚裝長裙,美好身段表露無遺,羡煞旁人。秋嬅笑言:「我依家覺得好凍,可能近日瘦咗,件衫成日跌呀,咁要勞煩家寶哥幫幫手做護花使者先得,最開心今晚兩個破天荒合唱,仲要係第一次聽佢開金口。」在旁家寶話:「平時真係好少公開演出唱歌,今次秋樺姐誠意邀請我,咁我就即管試一試啦,有美女喺度梗係唱得更加落力啦,今次唱首《在雨中》希望大家會鍾意啦。」

9月生日的秋樺姐,朋友都紛紛為她慶祝,真係切生日蛋糕都切到手軟。(黃國立攝)