【全民造星】「黑馬」Ian直逼姜濤成為最大威脅 姜濤:好大壓力

撰文:
最後更新日期:

《全民造星》今日(30日)帶同十強選手出席商場活動,讓他們在決賽前再幫自己拉票。今天粉絲數量眾多,被視為「黑馬」的Ian(陳卓賢)會否有嚇怕,他承認有一點點:「事前冇想過有咁多人,宜家企到滿晒,我哋好開心。」問到外界視他為黑馬,直逼姜濤,Ian覺得說法正確?「其實姜濤粉絲多過我好多,(有冇信心撼贏佢?)我又唔會好話要撼贏佢,就算要競爭都係良性競爭,加上我哋十個關係好好,嚟到呢一步做好自己就可以。」

現場粉絲不斷呼叫自己喜愛的選手名字。(梁碧玲攝)

再問到Ian對於公司力捧姜濤,會否覺得唔公平?「其實因應佢人氣係最高,粉絲想多啲見佢,喺社交網站岀多啲佢嘅Post,都係迎合大家想見多啲佢。」但這樣會有點兒輸蝕,Ian表示不多想,做好自己就好了。
 

臨近決賽,「黑馬」Ian表示做好自己就可以。(梁碧玲攝)

而問到另一位大熱選手姜濤,覺得最大競敵是誰?「每一個選手都好強,每一個都有佢自己獨特嘅長項,要睇評審嘅喜好,可能評審鍾意自彈自唱可能會選擇Ian,所以每一個都係強敵。」姜濤這麼說,是否「黑馬」Ian給他很大壓力?姜濤笑言:「一直好大壓力,Ian當然好勁,但其他人都好強,我唔會話特別覺得邊個人氣勁啲,私底下相處冇話邊個係黑馬。」

姜濤對Ian能否成為他的威脅?姜濤笑指每一個都係強敵。(梁碧玲攝)

另一「黑馬」Edan(呂爵安)亦擅長自彈自唱。(梁碧玲攝)

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。