G.E.M晒股後繼續性感　透視長裙若隱若現丁字褲

曾經獲「時裝車禍」嘅G.E.M，自從同造型師男友Mark一齊之後，打扮不時都有驚喜。上月以火紅大露背泳衣慶祝27歲生日，大晒圓渾蜜桃臀，當時唔少網民都話接受唔到佢轉行性感。

不過，你有你接受唔到，佢有佢繼續性感，日前佢現身內地為《中國新說唱》錄影時，一條連身長裙睇落無乜嘢，但為怕錯過好風景，G.E.M特意提提大家：「P.S 裙子的亮點請自行尋找」並加上幾個無眼睇嘅emoji。所謂的亮點，怕且都係指條裙近大腿位置係透視嘅，G.E.M特地以黑色丁字褲上陣……雖然G.E.M關閉了微博評論功能，但網民對呢身打扮都幾暴動，當中有讚佢「感覺腿好長」，亦有接受唔到嘅網民索性自己動手將透視部分填色。