黎明由明福俠變身做明醫師 著古裝扮韓醫拆解謬誤
撰文：洪曉璇
出版：更新：
男人最痛係啲咩？相信問十個十個都會話係「脫髮」，尚記得今年年初有個中藥增髮產品，以「黎明都有用」作廣告宣傳，搞到LEON嘅經理人公司發出嚴正聲明否認有呢件事。點知事隔大半年，LEON居然接咗個洗頭水廣告，仲著上韓服，由明福俠化身明醫師。
今年一月黎明經理人公司先出聲明，否認有接生髮水廣告。（FACEBOOK截圖）
19年前LEON拍攝嘅法國洗頭水廣告，喺韓國相當HIT。 （影片截圖）
其實LEON近20年前有拍過法國洗頭水廣告，用上《我愛花香不愛花》作廣告主題曲，當年個廣告喺韓國相當紅架。事隔多年LEON再拍洗頭水廣告，仲首度以古代韓醫角色，變身迷人Oppa，以輕鬆手法拆解坊間補髮謬誤！其實LEON本身頭髮又黑又密，護髮都有佢嘅一套心得：「因為香港天氣比較潮濕，最緊要洗得乾淨，洗完頭用完明顯會彈啲，入秋後用亦爽。」
著上古裝韓服嘅LEON都係英氣十足。