楊千嬅IG遭入侵感到驚嚇 ：嗰個係男人嚟！
撰文：賴家杰
出版：更新：
楊千嬅聯同周柏豪今天（3日）早上出席護膚品牌活動，原來二人也一直受皮膚敏感問題困擾，千嬅說：「平時唔夠瞓就會抵抗力弱，宜家仲要轉天氣，所以皮膚敏感。」柏豪則是做運動時候容易出現敏感症狀：「好奇怪，對自己啲汗敏感，條腰嗰個位，所以去睇醫生，不過呢幾年人長大了，開始照顧自己，所以都搵好多方法，其實飲多啲水係有好大幫助。」
楊千嬅聯同周柏豪今天（3日）早上出席護膚品牌活動。（梁碧玲攝）
男神周柏豪自爆條腰好「敏感」。（梁碧玲攝）
千嬅今天除了要出席活動之外，晚上馬不停蹄演出她和杜德偉的音樂會，這不會令她很忙碌嗎？千嬅笑言做喜歡的事不會怕累：「我每朝都7點幾起身㗎，我宜家早起身可以令人精神少少，去去水腫，咁今晚嗰人咪好精神囉。」
楊千嬅Ig最近遭人入侵，調查過後原來係男人，令佢受驚。（梁碧玲攝）
最近千嬅的Instagram被人盗用，她直言感到驚嚇：「因為有十個電話問我ig乜事，我望一望發生咩事，然後頭像變咗男人又唔係，女人又唔係，但我唔知道發生咩事，之後去查一查，原來頭像係女人，但盗用嗰個係男人嚟，最後叫有關部門處理。」聽到這裡，在旁的柏豪也說到最近這類型事件發生很多，所以有朋友找他幫忙，問到柏豪是這方面專家？「我唔係叻，但我有識人囉，有聯絡方法，最後都幫到朋友拎得哂啲資料。」