黃依汶拒做怪獸家長 不想過份保護小朋友：受傷都好正常
撰文：趙允琳
出版：更新：
黃依汶（Emme）昨日（3日）為髮廊擔任開幕嘉賓，身為藝人因為經常要做不同的頭髮造型，髮質都難免受到損害，Emme表示自己都非常注重頭髮健康，例如會勤搽髮尾油及定時做頭髮護理。她更表示洗頭水的選擇亦很重要：「有時候當你set頭set得太多嘅時候就好難洗，所以先需要專業嘅髮型師去提供一啲好嘅洗頭水俾我哋，如果一支好嘅洗頭水呢，其實你洗一次就已經係乾淨晒。」
黃依汶（Emme）昨日（3日）出席髮廊開幕禮，她表示自己經常搽髮尾油及定時做頭髮護理，亦會謹慎選擇洗頭水。（梁碧玲攝）
Emme近日在社交網站上載帶囝囝陳真去打拳的相片，囝囝年紀尚幼，難道不怕他會受傷？她表示會放膽給他試，不想太過份保護他：「我覺得小朋友受傷都好正常，問題係做每一個運動之前你都要同佢講話你需要小心啦，盡量點樣去保護自己啦，男仔小小受傷，整親、扭親都好正常。」Emme笑稱囝囝本身很喜歡游泳及打功夫，所以都有意讓他學更多例如打拳、劍擊等的運動。
Emme表示不想做過份小朋友的父母，會放膽給囝囝試，即使受傷都很正常。（梁碧玲攝）
周不時都會帶同囝囝出外社交，Emme有沒有興趣帶他出幕前，例如參加親子節目？「暫時因為陳真都太細啦，雖然好多人都問我，佢係咪有4歲啊，但係其實佢得2歲半，小朋友黎講佢都比較高大啲，感覺佢好似好大但其實佢真係好細，所以暫時都唔會住啦。」