林淑敏第十六年於TVB慶生 ：最緊要有糧出有工開

大小姐（林淑敏）今日（4日）出席TVB舉辦的「十月星辰」活動，大小姐說到已經是第十六年在TVB渡過生日：「一眨眼就十六年，再眨都唔知又會第幾年啦。」大小姐覺得在TVB工作時間流逝太快，問到她十六年轉變得最多是什麼？「人長大咗，入嚟TVB先啱啱畢業，宜家成熟咗，好多事都係公司學識，同事跟朋友都係公司認識。」

16年說長不是太長，但一定不是一個短時間，大小姐在TVB中也有一定的「年資」，有沒有很多新人稱她做「前輩」？大小姐笑言沒有：「我做緊嘅事情好多都仲處於係晚輩階段，大家傾計，朋友之前交流一下意見會有。」

大小姐透露今年生日很大機會在工作中度過，那老公會否有驚喜給她？大小姐直言不會有：「其實年年都冇，冇理由今年會有，我覺得每年生日平淡渡過係最好，」再問到她今年生日願望會想在TVB頒獎典禮中有成績？「我願望係有糧出有工開，對我來說最好，我覺得你畀一個獎我，但冇工開仲慘。」最後她說到提名方面已經不想了，因為覺得不會有提名。