𡃁模有市的年代，除了Angelababy、周秀娜外，亦有不少美少女出現，資深寫真迷應該記得尹蓁晞Yumi，當年亦迷倒不是宅男，這位曾經是林建名旗下的藝人，昨日Yumi現身雜誌周年活動，今年31歲Yumi原來還想再出寫真，她說：「希望喺35歲之前影返輯寫真，睇返自己以前啲相同依加，真係相差好遠，嗰陣時100磅唔都夠，依家成130磅，睇到都有啲心噏，其實我都有做運動，都好注重健康飲食，上年我甲狀腺出現咗問題，要長時間食藥，食咗D藥後水腫難分，所以你哋今晚見到我點解肥咗咁多係有原因嘅，不過我依加停咗藥，我會操返之前個身型見大家。」

Yumi雖然而家狀態未回到從前，但都大方現身見傳媒，証明對回勇充滿信心，相信全盛時期的她好快再重現，而Yumi昨日亦分享一些生活趣事，早前搬新居，網購梳化毛氈用品，用後全身痕癢，出現紅疹，追查來源發覺毛氈滿布跳蚤。「好慘呀，我喺淘寶買咗一張十幾蚊嘅氈，用嚟放喺梳化到用，咬到我手同腳都係，連兩隻貓全個身都係蚤，最終搞到全屋都係蚤，煩咗我成個月，最後都要搵滅蟲公司嚟我屋企滅蚤，張梳化都掉咗，用咗5位數字去滅蚤，真係大代價，依家上網買嘢都有啲驚。」

尹蓁晞亦越談越多，回想由出道至今，新聞亦非常之多，當中最辛苦是由香港轉戰到台灣發展，她說：「係我台灣一個經理人朋友介紹 喺台灣由冇人識既model做起 因為台灣娛樂圈同香港圈子唔一樣 喺嗰邊拍左多部廣告 同客串偶像劇 綜藝節目，喺台灣很辛苦 試過有幾個月冇工作 為左生活平租住台灣既天台屋 ，試過戶口冇錢 但工作既錢要等兩個月先攞到，因為model公司係90日內出糧的，佢哋成日最後一日先出，所以都試過問台灣經理人借住錢先夠生活，之後捱咗大約一年左右，開始多工作機會 最後一年因為工作證問題需要返香港 台灣係一個很好既地方 但我比較中意香港既生活。」𡃁模生涯絕對不是表面風光，看Yumi就知當中有幾生活，不過經過磨鍊，相信Yumi會有更加的將來。