李晨終於有動靜　發文撐范冰冰：咱們一起渡過去

自從范冰冰爆出逃稅事件後，由於未婚夫李晨一直未有表態，結果網民指係渣男，又指佢「走得快」，不過就喺今日網傳范冰拋售41個豪宅、李晨賣四合院套現繳付罰款之際，李晨微博喺封塵三個月後，終於有動靜：「甭管多難，咱們一起渡過去」令分手傳聞不攻自破。
 

其實在較早之前，有網民貼出李晨朋友微信朋友圈嘅截圖，截圖顯示，LC（李晨）分享咗題目為「加油！范冰冰」的文章，暗中力挺女友，如今李晨公開撐女友，相信范冰冰都會感到安慰。對於李晨此舉，有網民就讚佢夠man，但亦有網民指佢嘅發文講到好似好委屈咁，以一個公眾人物來說，感覺欠妥當。