【有片】劉錫明感謝「毒瘤明」：我都有閃卡啦！
撰文：許栢倫
出版：更新：
劉錫明（左）終於有自己的Yes卡！(黃國立攝)
劉錫明先後唱出《是緣是債是場夢》及《你怎麼捨得我難過》。
昨晚「YES! 25周年演唱會」勾起無數FANS集體回憶，除在場外有《Yes!》閃卡機外，各表演嘉賓亦在台上大談對《YES!》的感受。年年25歲的校長譚詠麟，以經典歌曲解答經典欄目「愛情信箱」外，劉錫明更感謝「毒瘤明」這名字，令觀眾仍然記得佢。
劉錫明：香港是我家
「蒼天將所有凡人作弄...」劉錫明與《YES!》種種因怨，終以《是緣是債是場夢》劃上句號。曾被《YES!》冠以「毒瘤明」惡名的劉錫明於台上講出感受：「好多人諗起《YES!》就諗起我呢個名，我有冇介意？其實我好感恩，因為呢個名呢好多人仲記得我。」 仲話個名帶給大家好多歡樂，祝大家身體健康咁話！
劉錫明更在台上大談影閃卡：「我破天荒為《YES!》影閃卡，我同個女講不是淨係TF boys先有，爸爸都有！」表演後記者問及劉錫明想不想返香港發展，他諗都不諗就話︰「梗係想，香港是我家。」言談間表達出的豁達，足以證明劉錫明是好男人，好爸爸！
校長與顧芮寧以歌聲解答「愛情信箱」。
校長與歌迷細味愛情
至於笑稱同《YES!》一樣年紀的校長壓軸出場，先與顧芮寧以多首經典金曲解答愛情疑難，包括《情憑誰來定錯對》﹑《愛多一次痛多一次》﹑《一首歌一個故事》，聽得台下觀眾彷彿經歷多次青春愛情歲月！哭過回味過後，校長便帶領一眾歌手於台上大唱經典快歌Medley，以大派對形式完結，將氣氛推至最高峰，令全場high爆站立起來﹗
劉錫明紙牌公仔被誤似是黎明，真好笑。（黃國立攝）