【廣告女皇】參賽者無懼被「照騙」  劉思琦被指似蔡思貝

撰文:
最後更新日期:

ViuTV節目《廣告女皇》今晚(8日)首播,下午一眾入圍參賽者(8日)出席記者會面對傳媒。早前節目公開23位入圍參賽者的宣傳硬照時被網民批評修圖修太多,相片跟宣傳短片相差太大。雖然都有網民認為沒有部分網民說得那麼誇張,但我們依然找來了幾位最獲網民熱烈討論及「引人注目」的參賽者分享一下。

葉芷晴(Sharpay)在節目的宣傳硬照。(ViuTV)

Sharpay指雖然見到某些難聽的留言都難免有些失落,但仍樂觀地表示:「都有個話題吖,我睇到都覺得幾好笑嘅。」(賴家杰攝)

其中被認為相片跟真人分別最大的葉芷晴(Sharpay),宣傳照chok到十足,真人卻是180度大反轉,充滿可愛感!她稱宣傳片的拍攝的角度最令她「出事」:「例如低抄同埋高抄,塊面已經唔同樣啦,所以咁啱嗰張圖係低抄,所以塊面更加包囉!」她笑說雖然自己都覺得照片跟自己不似樣,但都感謝攝影師幫她「瘦面」:「因為我平時都係包包面,啲相平時都影到好包包面,佢今次影到我由L變做XS,佢影相真係好好!」(有人話你似大佬B(Youtuber)喎!)「但係大佬B瘦啲喎,我無佢咁好身材啊!哈哈!」

李曉鏵(Sharon)在節目的宣傳硬照。(ViuTV)

Sharon在現場播放的影片中表演「食檸檬」,她稱自己最厲害的地方就是忍耐力,除了忍酸,無論忍痛、忍苦、忍所有的甜酸苦辣都沒有問題。(賴家杰攝)

另一位參賽者中年紀最小的李曉鏵(Sharon)都係另一個「照騙」的「受害者」:「其實我都覺得自己唔係好似!我自己都唔認得自己,但係我啲朋友認得我囉,好多人send過嚟問我『喂係唔係你嚟㗎?』,跟住我話『你估吓!』」問到覺得有哪位參賽者是自己最大的對手,她稱:「芷晴(Sharpay)啦!佢同我最friend吖嘛!」

劉思琦(Kayze)在節目中的宣傳硬照。(ViuTV)

Kayze表示雖然自己外表看似冷酷,但實際相處後就會發現「傻更更」的一面。(賴家杰攝)

在一片批評中成功幸存,反而獲得網民一致好評的劉思琦(Kayze)表示自己有幾年做模特兒的經驗,所以比較有優勢:「影相對鏡頭可能會敏感啲,可能知道自己邊個角度邊個view會啱自己,所以可能會影得突出少少。」(覺得自己喺咁多女仔之中係數一數二嘅靚女?)「OK啦還好啦,可能有人會覺得我個樣會比較突出啲,但係我都想喺各方面更加好,例如我嘅口才未必好叻啦,呢啲都要加油。」有網民讚Kayze跟蔡思貝的外貌有幾分相似,她笑稱:「即係似達哥?但其實好多人都有講話我把聲似蔡思貝,可能因為咁就會聯想到我似蔡思貝!」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。