新聞之花張文采今嫁消防員　姐弟戀修成正果

有「新聞之花」之稱嘅張文采（Wendy)今年5月被爆快將成為人妻，見佢之後同準夫婿盧樂輝（Benedict）喺日本拍攝嘅婚紗相，完全感受到幸福兩個字。話咁快，原來今日就係張文采大喜之日，她特意將Facebook頭像轉為穿上紅色喱士旗袍、戴上金頸鏈、手執花球的照片，照片中雖然只得張文采一人，但見佢笑得特別溫柔，相信張相係由老公操刀，唔少網民見到婚照後，都馬上送上祝福。

而昔日同事姚雋彥，今日以有份做姊妹，她在微博上載合照，並送上祝福：「聽過你太多心事 但已經不再重要，眼見你要做新娘，做蜜友的真想撒嬌。」其實張文采早年曾與羅鈞滿拍拖，直到對方被爆搭上長髮空姐後，張文采於fb自嘲蠢兼浪費了四年時間，並宣告重生。結果張文采終於找到了任何職消防員的Mr. Right，真係恭喜晒呀！