《嫁到這世界邊端2》反應好 監製張志明：原班人馬開第三輯！
撰文：黃欣華
出版：更新：
TVB真人騷《嫁到這世界邊端2》昨日首播，節目主持陳貝兒與監製張志明等幕後團隊相約第一輯的德國人妻卡菲與老公Markus邊打邊爐邊睇直播。首集登場的韓國新抱秋仔與Oppa至死不渝的愛情，令現場的工作人員雙眼都泛起淚光，看得相當感動。
德國人妻卡菲與老公Markus亦有現身力撐。
《嫁到這世界邊端2》比上一輯更精彩，攝製隊橫跨半個地球，尋找一眾嫁到偏遠國度香港人妻的故事。監製張志明表示今輯內容比上一輯更精彩，他稱：「第一輯嗰陣未有方向，今次會比較有故仔性，每個個案都有自己的故仔。（最鍾意邊個故仔？）我其實個個故仔都鍾意，因為每個故仔都唔同，所以大家一定要睇到落後面。」問到今輯製作費是否比上輯更高，監製張志明就坦言：「唔係用好多，因為我哋盡量去的次數短，有一次我哋去咗40日，而且盡量安排轉機，會慳好多。」他又大讚主持陳貝兒做得很好：「佢訪問得好好。（做得咁好會唔會計劃開第3輯？）會呀，基本呢系列的節目我都想長做。」
監製透露原班人馬開第三輯！
工作人員都睇到眼濕濕。